హైదరాబాద్ బంజారాహిల్స్‌లోని కేబీఆర్ నేషనల్ పార్క్‌లో సుమారు 20 అడుగుల పొడవున్న భారీ కొండచిలువ (పైథాన్) కలకలం రేపింది. పార్క్‌లోని వాకింగ్ ట్రాక్ సమీపంలో ఈ భారీ సర్పం సంచరిస్తుండటాన్ని ఉదయం నడకకు వచ్చిన వాకర్స్ గమనించి ఆశ్చర్యానికి లోనయ్యారు. సమాచారం అందుకున్న ఫారెస్ట్ సిబ్బంది సంఘటనా స్థలానికి చేరుకుని, సందర్శకులకు ఎలాంటి ఇబ్బంది కలగకుండా చర్యలు తీసుకున్నారు. నగర నడిబొడ్డున ఇంత భారీ కొండచిలువ కనిపించడం స్థానికంగా తీవ్ర చర్చనీయాంశమైంది.
Save as PDF
