తెలంగాణలోని అన్ని పాఠశాలల్లో Mock Assembly (మాక్ అసెంబ్లీ) కార్యక్రమాన్ని నిర్వహించాలని బాలల హక్కుల సంఘం ప్రభుత్వం దృష్టికి తీసుకువచ్చింది. పిల్లల్లో ప్రజాస్వామిక విలువలు, నాయకత్వ లక్షణాలు, సమస్యలను అర్థం చేసుకునే శక్తి పెంపొందించడంలో మాక్ అసెంబ్లీ కీలక పాత్ర పోషిస్తుందని సంఘం పేర్కొంది. “ప్రజాస్వామ్యం ఎలా పనిచేస్తుంది, సమస్యలను ఎలా లేవనెత్తాలి, పరిష్కారాలు ఎలా సూచించాలి—ఇవన్నీ పిల్లలు ఆచరణాత్మకంగా నేర్చుకోవడానికి ఇది ఉత్తమ మార్గం” అని నిర్వాహకులు తెలిపారు.
ప్రస్తుత విద్యా వ్యవస్థలో పిల్లలకు పాఠ్యపుస్తకాలతో పాటు వ్యక్తిత్వ వికాసం కూడా అవసరమని సంఘం భావిస్తోంది. చిన్న వయస్సులోనే మాక్ అసెంబ్లీ కార్యక్రమాలకు అలవాటు అయ్యే పిల్లలు ధైర్యంగా మాట్లాడే సామర్థ్యం, నాయకత్వ లక్షణాలు, కమ్యూనికేషన్ స్కిల్స్, సమస్యలను గుర్తించే నైపుణ్యాలు పెంపొందించుకుంటారని పేర్కొన్నారు. అదేవిధంగా స్కూల్లలో తరచుగా ఎదురయ్యే బుల్లీయింగ్, శానిటేషన్ లోపాలు, ట్రాఫిక్ సమస్యలు వంటి అంశాలను పిల్లలు స్వయంగా చర్చించే వేదికగా మాక్ అసెంబ్లీ ఉపయోగపడుతుందని అన్నారు.
ప్రతీ స్కూల్లో సంవత్సరానికి కనీసం ఒకసారి Mock Assembly Day నిర్వహించాలనే సూచనను కూడా సంఘం చేసింది. ఈ కార్యక్రమాన్ని కేవలం ఒక ఈవెంట్‌గానే కాకుండా, పాఠశాలల్లో నిరంతర అభ్యాస పదతిలో భాగంగా చేర్చాలన్నారు. “పిల్లలకు ప్రజాస్వామిక విలువలు నేర్పడం స్కూళ్ల ప్రధాన బాధ్యత. కాబట్టి మాక్ అసెంబ్లీని విద్యా ప్రక్రియలో భాగం చేయాలి” అని సంఘ ప్రతినిధులు తెలియజేశారు.
అదనంగా, పిల్లలకు Child Rights & Responsibilities పై తప్పనిసరి తరగతులు నిర్వహించాలి, అలాగే టీచర్లకు మాక్ అసెంబ్లీ నిర్వహణపై ప్రత్యేక శిక్షణ ఇవ్వాల్సిన అవసరం ఉందని వారు ప్రభుత్వానికి విజ్ఞప్తి చేశారు. తెలంగాణ విద్యా వ్యవస్థలో పిల్లలను ప్రజాస్వామిక పౌరులుగా తీర్చిదిద్దడంలో ఇది కీలక మలుపు అవుతుందని సంఘం అభిప్రాయపడుతోంది.
Save as PDF
