ప్రముఖ సామాజిక మాధ్యమం ఇన్స్టాగ్రామ్ (Instagram) టీన్ అకౌంట్స్ సదుపాయాన్ని భారత్‌లో కూడా అందుబాటులోకి తెచ్చింది. పిల్లలపై సోషల్‌మీడియా ప్రభావంపై పెరుగుతున్న ఆందోళనల నేపథ్యంలో, మెటా ఈ కొత్త విధానాన్ని తీసుకొచ్చింది.
టీన్ అకౌంట్స్ ప్రత్యేకతలు:
డిఫాల్ట్‌గా ప్రైవేట్‌ అకౌంట్లు – కొత్త టీన్ ఖాతాలు ఆటోమేటిక్‌గా ప్రైవేట్‌గా ఉంటాయి. సురక్షిత సందేశాలు – టీన్ యూజర్లు ఫాలో/ కనెక్ట్‌ అయిన వారినుండే సందేశాలు అందుకోగలరు. ట్యాగింగ్ నియంత్రణ – అనుమతించిన వ్యక్తులు మాత్రమే టీన్ అకౌంట్లను ట్యాగ్ చేయగలరు. సెన్సిటివ్ కంటెంట్ ఫిల్టర్ – 16 ఏళ్ల లోపు పిల్లలకు అశ్లీల/ అభ్యంతరకర కంటెంట్ కనపడకుండా నియంత్రణ ఉంటుంది. తల్లిదండ్రుల నియంత్రణ – 16 ఏళ్ల లోపు పిల్లలు డిఫాల్ట్ సెట్టింగులను మార్చాలంటే తల్లిదండ్రుల అనుమతి తప్పనిసరి.
వాడకంపై నియంత్రణ:
రోజుకు 60 నిమిషాల వాడకం దాటితే నోటిఫికేషన్ రాత్రి 10PM – ఉదయం 7AM వరకు “స్లీప్ మోడ్” – ఆ సమయంలో నోటిఫికేషన్లు రావు. అసభ్య పదజాలాన్ని ఆటోమేటిక్ ఫిల్టర్ – కామెంట్లు, మెసేజ్‌లు స్కాన్ చేసి ఫిల్టర్ చేస్తుంది. పేరెంట్స్‌కు అదనపు నియంత్రణ – పిల్లల యూజేజ్ తనిఖీ, సందేశాలను యాక్సెస్, అవసరమైతే ఇన్‌స్టా బ్లాక్ చేయడం కూడా వీలుగా ఉంది.
ఈ కొత్త ఫీచర్ ద్వారా, భారతదేశంలో యువత సోషల్ మీడియాను మరింత బాధ్యతాయుతంగా వినియోగించుకునే అవకాశం లభించనుంది! 
