TG: హుస్సేన్‌సాగర్‌లో యధావిధిగా గణేష్‌ నిమజ్జనాలు కొనసాగుతాయని హైకోర్టు స్పష్టం చేసింది. 2021లో ఇచ్చిన ఆదేశాలు కొనసాగుతాయన్నారు. కోర్టు ధిక్కరణ పిటిషన్‌ను తిరస్కరించారు, పిటిషనర్ ఆధారాలు చూపలేకపోవడంతో. నిమజ్జనం చివరి సమయంలో పిటిషన్‌ సరికాదని పేర్కొన్నారు. హైడ్రాను ప్రతివాదిగా చేర్చేందుకు కోర్టు నిరాకరించింది, గత ఆదేశాల సమయంలో హైడ్రా లేకపోవడం కారణమని స్పష్టం చేసింది.

ఇటీవలి భారీ వర్షాలు, వరదలకు పలు ప్రాంతాల్లో ప్రజలకు తీవ్ర నష్టo వాటిల్లగా..వారిని ఆదుకునేందుకు.. ప్రభుత్వానికి తనవంతుగా చేయూత నిచ్చేందుకు ఖమ్మం ఎంపీ రామసహాయం రఘురాం రెడ్డి ముందుకొచ్చారు. హైదరాబాద్ రేస్ క్లబ్ డైరెక్టర్ అయిన ఎంపీ మరో డైరెక్టర్ నరసింహా రెడ్డి తో వెళ్లి ముఖ్య మoత్రి ఎనుముల రేవంత్ రెడ్డిని కలిశారు. రేస్ క్లబ్ తరఫున రూ.2 కోట్ల విరాళ చెక్కును ఇచ్చారు. వరద బాధితుల కోసం పెద్దమొత్తంలో అందజేయడం పట్ల సీఎం హర్షం వ్యక్తo చేసి.. వారికి కృతజ్ఞతలు తెలిపారు.

TG: తెలంగాణ మరింత పురోభివృద్ధి సాధించేందుకు ముఖ్యమంత్రి రేవంత్ రెడ్డి 16వ ఆర్థిక సంఘానికి సహాయం కోరారు. రుణ భారాన్ని తగ్గించేందుకు సహాయం, మద్దతు ఇవ్వాలని, రుణాలను రీ స్ట్రక్చర్ చేసే అవకాశం లేదా అదనపు ఆర్థిక సహాయం అందించాలని విజ్ఞప్తి చేశారు. 16వ ఆర్థిక సంఘం చైర్మన్ డాక్టర్ అరవింద్ పణగరియా అధ్యక్షతన, సభ్యులు అజయ్ నారాయణ్ ఝా, అనీ మాథ్యూస్, మనోజ్ పండా, సౌమ్యా కాంతి ఘోష్ సమక్షంలో జ్యోతీబా పూలే ప్రజాభవన్‌లో జరిగిన సమావేశంలో ముఖ్యమంత్రి తెలంగాణ పరిస్థితులను వివరించారు.

ఆసిఫాబాద్ జిల్లా కాగజ్‌నగర్ పట్టణంలోని అంబేడ్కర్ కూడలిలో ప్రజాపిత బ్రహ్మకుమారి ఈశ్వరీయ విశ్వవిద్యాలయం ఆధ్వర్యంలో నిర్వహించిన నషా ముక్త్ భారత్ అభియాన్ ర్యాలీని సిర్పూర్ శాసనసభ్యులు పాల్వాయి హరీష్ బాబు జెండా ఊపి ప్రారంభించారు. ఈ కార్యక్రమంలో పలువురు స్థానిక నాయకులు, విద్యార్థులు, మరియు స్వచ్ఛంద సంస్థల సభ్యులు పాల్గొన్నారు. ర్యాలీ ద్వారా మద్యం, మత్తు పదార్థాల వాడకం వల్ల జరిగే దుష్ప్రభావాలను సొసైటీలోని ప్రజలకు తెలియజేయడం, యువతను ఆరోగ్యకరమైన జీవనశైలిలోకి మారాలని ప్రోత్సహించడం లక్ష్యంగా ర్యాలీ సాగింది. శాసనసభ్యులు హరీష్ బాబు మాట్లాడుతూ, మత్తు పదార్థాలు వినియోగించడం సమాజం, కుటుంబాల మీద తీవ్రమైన ప్రభావం చూపుతుందని, యువత ఈ సమస్యను ఎదుర్కొని విజయం సాధించాలని సూచించారు.