దేశవ్యాప్తంగా ప్రతి వ్యక్తికి ఆధార్ తరహాలోనే ‘ఆయుష్మాన్ భారత్ హెల్త్ అకౌంట్’ (ABHA) తప్పనిసరి కానుంది. దీని ద్వారా రోగి రక్త వర్గం, అనారోగ్య సమస్యలు మరియు గత చికిత్సల వివరాలన్నీ డిజిటలైజ్ చేయబడతాయి. దీనివల్ల ఏ ఆసుపత్రికి వెళ్లినా పాత రికార్డులు మోయాల్సిన అవసరం లేకుండా తక్షణ చికిత్స అందుతుంది. తెలంగాణలో ఇప్పటివరకు 75 లక్షల రికార్డులు నమోదవగా, ఇందుకు ప్రోత్సాహకంగా ఆసుపత్రులకు రూ. 10 కోట్లు అందనున్నాయి. క్యూఆర్ కోడ్ స్కాన్ ద్వారా ఓపీ చీటీలు పొందే సౌకర్యం మరియు డేటా విశ్లేషణ ద్వారా వ్యాధుల గుర్తింపు సులభం కానుంది.
