యువతీ యువకుల మధ్య సంబంధం వివాహానికి దారి తీయనంత మాత్రాన అది మోసం కిందకు రాదని సుప్రీంకోర్టు స్పష్టం చేసింది. పెళ్లి పేరుతో శారీరక సంబంధం పెట్టుకుని మోసగించాడనే ఆరోపణలతో తెలంగాణ పోలీస్ రిక్రూట్‌మెంట్ బోర్డు ఉద్యోగం నిరాకరించడాన్ని సవాల్ చేస్తూ గాజుల తిరుపతి దాఖలు చేసిన పిటిషన్‌పై ధర్మాసనం ఈ తీర్పునిచ్చింది. వివాహపూర్వ సంబంధాలు చట్టవిరుద్ధం కావని, బాధితురాలు లోక్‌అదాలత్‌లో రాజీకి అంగీకరించినందున అభ్యర్థి నైతికతను అనుమానిస్తూ ఉద్యోగం నిరాకరించడం ఏకపక్షమని పేర్కొంటూ ఉన్నత న్యాయస్థానం అతనికి అనుకూలంగా తీర్పునిచ్చింది.
Save as PDF
