అక్టోబర్ 8 నుంచి భారీ ఆఫర్లు.. SBI కార్డులతో 10% డిస్కౌంట్

న్యూఢిల్లీ, సెప్టెంబర్ 21: ఆన్‌లైన్ షాపింగ్‌లో పండుగ సీజన్ ఆఫర్ల కోసం ఎదురుచూస్తున్న వారికి అమెజాన్ గుడ్ న్యూస్ చెప్పింది. ‘గ్రేట్ ఇండియన్ ఫెస్టివల్ 2026’ సేల్ తేదీలను ప్రకటించింది. అక్టోబర్ 8 నుంచి ఈ సేల్ ప్రారంభం కానుంది.ప్రముఖ ఈ-కామర్స్ సంస్థ ఫ్లిప్‌కార్ట్ ఇప్పటికే ‘బిగ్ బిలియన్ డేస్ 2026’ సేల్ తేదీలను ప్రకటించింది. ఫ్లిప్‌కార్ట్ కంటే ఒక రోజు ముందుగానే అమెజాన్‌లో పండుగ సేల్ ప్రారంభం కానుంది.

SBI కార్డులపై 10% డిస్కౌంట్

గ్రేట్ ఇండియన్ ఫెస్టివల్‌లో భాగంగా స్టేట్ బ్యాంక్ ఆఫ్ ఇండియా (SBI) డెబిట్, క్రెడిట్ కార్డు వినియోగదారులకు 10 శాతం డిస్కౌంట్ అందించనున్నట్లు అమెజాన్ తన మైక్రోసైట్‌లో పేర్కొంది. అర్హత కలిగిన కార్డు లావాదేవీలపై ఈ ఆఫర్ వర్తించనుంది. అయితే డిస్కౌంట్‌కు సంబంధించిన కనీస కొనుగోలు విలువ, గరిష్ఠ డిస్కౌంట్ వంటి పూర్తి నిబంధనలు సేల్ ప్రారంభానికి ముందు అమెజాన్ ప్రకటించే అవకాశం ఉంది.

ప్రైమ్ సభ్యులకు అదనపు ఆఫర్లు

అమెజాన్ ప్రైమ్ సభ్యులకు 10 శాతం వరకు అదనపు ఆఫర్లు అందుబాటులో ఉంటాయని సంస్థ తెలిపింది. ప్రైమ్ సభ్యులకు కొన్ని డీల్స్ సాధారణ వినియోగదారుల కంటే ముందుగానే అందుబాటులోకి వచ్చే అవకాశం ఉంది.

పలు రకాల డీల్స్

గ్రేట్ ఇండియన్ ఫెస్టివల్‌లో 8 PM డీల్స్, బ్లాక్‌బస్టర్ డీల్స్, టాప్ 100 డీల్స్, మెగా డీల్స్ వంటి ప్రత్యేక ఆఫర్లు ఉంటాయని అమెజాన్ వెల్లడించింది. మొబైల్స్, ఎలక్ట్రానిక్స్, గృహోపకరణాలు, ఫ్యాషన్, రోజువారీ అవసరాల వస్తువులు తదితర విభాగాల్లో వివిధ రకాల డిస్కౌంట్లు, బ్యాంక్ ఆఫర్లు అందుబాటులోకి వచ్చే అవకాశం ఉంది.

సేల్ ఎప్పటి వరకు?

అమెజాన్ గ్రేట్ ఇండియన్ ఫెస్టివల్ 2026 అక్టోబర్ 8 నుంచి ప్రారంభమవుతుందని ప్రకటించినప్పటికీ, సేల్ ముగింపు తేదీని మాత్రం ఇంకా వెల్లడించలేదు. పండుగ సీజన్ నేపథ్యంలో అమెజాన్, ఫ్లిప్‌కార్ట్‌ల మధ్య పోటీతో వినియోగదారులకు మరిన్ని డిస్కౌంట్లు, బ్యాంక్ ఆఫర్లు, ఎక్స్‌చేంజ్ ప్రయోజనాలు అందుబాటులోకి వచ్చే అవకాశం ఉంది.

 Save as PDF