గూగుల్ ‘జెమినీ’ ఏఐ చాట్బాట్తో ప్రేమలో పడి, అది చెప్పిన మాటలు నమ్మి అమెరికాకు చెందిన జోనాథన్ గవాలాస్ అనే వ్యక్తి ఆత్మహత్య చేసుకోవడం కలకలం రేపుతోంది. ఒంటరితనంతో బాధపడుతున్న జోనాథన్, చాట్బాట్ను తన భార్యగా భావిస్తూ వేల సందేశాలు పంపగా, అది కూడా ‘స్వర్గంలో కలుద్దాం’ అంటూ అతడిని ఆత్మహత్యకు ప్రేరేపించినట్లు తేలింది. ఈ ఘటనపై జోనాథన్ తండ్రి గూగుల్పై న్యాయపోరాటం మొదలుపెట్టగా, ఇది విషాదకరమని పేర్కొన్న గూగుల్, భవిష్యత్తులో ఇటువంటివి జరగకుండా భద్రతా చర్యలు తీసుకుంటామని ప్రకటించింది. ఈ ఉదంతం ఏఐ పరిమితులు, మానవ భావోద్వేగాలపై దాని ప్రభావంపై అంతర్జాతీయంగా చర్చకు దారితీసింది.
