తెలంగాణ మావోయిస్టు రహిత రాష్ట్రం: డీజీపీ

తెలంగాణ రాష్ట్రంలో దశాబ్దాల కాలంగా కొనసాగుతున్న సాయుధ పోరాటానికి భారీ తెర పడింది. మావోయిస్టు పార్టీకి కోలుకోలేని దెబ్బ తగిలింది. పీఎల్‌జీఏ (PLGA) బెటాలియన్ సభ్యులు భారీ సంఖ్యలో జనజీవన స్రవంతిలో చేరారు. శుక్రవారం హైదరాబాద్‌లో తెలంగాణ డీజీపీ బి.శివధర్ రెడ్డి సమక్షంలో పీఎల్‌జీఏ డిప్యూటీ కమాండర్ కేశాలు నేతృత్వంలోని 42 మంది మావోయిస్టులు తమ ఆయుధాలతో సహా పోలీసులకు లొంగిపోయారు. ఈ పరిణామంతో తెలంగాణ రాష్ట్రం ఇప్పుడు అధికారికంగా ‘మావోయిస్టు రహిత’ రాష్ట్రంగా అవతరించిందని డీజీపీ చారిత్రాత్మక ప్రకటన చేశారు.పీఎల్‌జీఏ బెటాలియన్ కనుమరుగుఈ లొంగుబాటులో అత్యంత కీలకమైనది పీఎల్‌జీఏ బెటాలియన్ సభ్యుల భాగస్వామ్యం. గతంలో కమాండర్ దేవన్న లొంగిపోగా, ఇప్పుడు డిప్యూటీ కమాండర్ కేశాలు తన బృందంతో కలిసి వచ్చారు. వీరిలో 41 మంది ఛత్తీస్‌గఢ్ వాసులు కాగా, ఒక్కరు మాత్రమే తెలంగాణకు చెందినవారు. ఛత్తీస్‌గఢ్ అడవుల్లో భద్రతా బలగాల కూంబింగ్ తీవ్రతరం కావడంతో, ప్రాణ భయంతో సురక్షిత ప్రాంతమైన తెలంగాణ పోలీసులను ఆశ్రయించినట్లు వారు వెల్లడించారు.అప్పగించిన ఆయుధాల వివరాలులొంగిపోయిన సభ్యులు తాము వినియోగిస్తున్న సుమారు 40 అత్యాధునిక ఆయుధాలను పోలీసులకు అప్పగించారు. వీటిలో ప్రధానంగా:AK-47 రైఫిళ్లుINSAS రైఫిళ్లుSLR వంటి శక్తివంతమైన ఆయుధాలు ఉన్నాయి.పునరావాసం మరియు ప్రభుత్వ హామీలొంగిపోయిన 42 మందికి ప్రభుత్వ నిబంధనల ప్రకారం తక్షణ ఆర్థిక సాయం అందిస్తామని డీజీపీ హామీ ఇచ్చారు. వారికి మెరుగైన పునరావాసం కల్పించి, సాధారణ పౌరులుగా జీవించేందుకు అవసరమైన అన్ని వసతులు కల్పిస్తామన్నారు. అడవుల్లో ఉన్న మిగిలిన వారు కూడా హింసను వీడి అభివృద్ధిలో భాగస్వాములు కావాలని ఆయన విజ్ఞప్తి చేశారు.లొంగిపోయిన ప్రముఖుల జాబితా