అల్లు అర్జున్ పుట్టినరోజు సందర్భంగా దర్శకుడు అట్లీతో చేయబోయే సినిమా టైటిల్ ‘రాకా’ను ప్రకటిస్తూ చిత్ర బృందం పోస్టర్ విడుదల చేసింది. ఈ పేరుపై సోషల్ మీడియాలో రకరకాల విశ్లేషణలు సాగుతున్నాయి. ‘రాకా’ అంటే పౌర్ణమి అని అర్థం, చెడుపై హీరో సాధించే విజయానికి ఇది ప్రతీక అని కొందరు.. సినిమాలో బన్నీ చేసే నెగెటివ్ రోల్ (రాక్షస ప్రవృత్తి)ని ఉద్దేశించి ఈ పేరు పెట్టారని మరికొందరు భావిస్తున్నారు. పోస్టర్లో బన్నీ ఆహార్యం తోడేలును పోలి ఉండటంతో, పౌర్ణమి వేళ మనిషి తోడేలుగా మారే ‘వేర్ వుల్ఫ్’ కాన్సెప్ట్ ఏమైనా ఉంటుందేమోనని అభిమానులు చర్చించుకుంటున్నారు.
