దివంగత తమిళనాడు మాజీ ముఖ్యమంత్రి జయలలితకు చెందిన హైదరాబాద్ శ్రీనగర్ కాలనీ నివాసాన్ని జీహెచ్‌ఎంసీ అధికారులు మంగళవారం సీజ్ చేశారు. భారీగా ఆస్తి పన్ను బకాయిలు ఉండటం, నోటీసులకు స్పందన లేకపోవడంతో అధికారులు ఈ కఠిన చర్య తీసుకున్నారు. ఆర్థిక సంవత్సరం ముగింపు కావడంతో బకాయిల వసూలుపై ప్రత్యేక దృష్టి సారించిన రెవెన్యూ విభాగం, నిబంధనల ప్రకారం ఇంటికి తాళం వేసి నోటీసు అంటించింది. ఆమె మరణం తర్వాత పర్యవేక్షణ లోపించడంతో పన్ను బకాయిలు పేరుకుపోయాయని తెలుస్తోంది. ప్రముఖుల ఆస్తులైనా వదిలేది లేదని అధికారులు స్పష్టం చేశారు.
Save as PDF
